കണ്ണൂര്‍ ജില്ലയിലെ എഴോം ഗ്രാമ പഞ്ചായത്തിലെ നരിക്കോട് എന്ന പ്രദേശം. പ്രകൃതി രമണീയമായ സുന്ദരമായ പ്രദേശം.വയലുകളെ കൊണ്ട് സമൃദ്ധമായ എന്‍റെ ഗ്രാമം കാണുമ്പോള്‍ നമുക്ക് എവിടെയോ നഷ്ടപ്പെട്ടുപോയ പച്ചപ്പിനെ തിരിച്ചു പിടിക്കാനുള്ള ശ്രമത്തിന്റെ ഭാഗമായി ദൈവം തമ്പുരാന്‍ നമുക്ക് വരദാനമായി നല്‍കിയ ഭൂപ്രദേശം എന്ന് തോന്നിപ്പോകും ചിലപ്പോള്‍. മഴ വന്നാല്‍ നമ്മുടെ പുഴ കരകവിഞ്ഞ് ഒഴുകുമായിരുന്നു. ചിലപ്പോള്‍ അത് റോഡിലേക്കും എത്തും.കുട്ടികളായ നമ്മള്‍ അതില്‍ നീന്തിക്കുളിക്കുമായിരുന്നു.
വലിയ ആളുകള്‍ തോണിയെടുത്ത് റോഡില്‍ ഇറങ്ങിയ ഓര്‍മ്മ ഇന്നും മഴ വരുമ്പോള്‍ മനസ്സിലേക്ക് ഓടി വരും.തോടുകളില്‍ പോയി മീന്‍പിടിച്ചും, കടലാസ് തോണികള്‍ ഉണ്ടാക്കി വെള്ളത്തില്‍ ഒഴുക്കി കളിച്ചതും മനസ്സിന്‍റെ കണ്ണാടിയിലേക്ക് ഇന്നലെ കഴിഞ്ഞത് പോലെ തെളിഞ്ഞു വരുന്നു.
ഇന്നും എന്‍റെ ഗ്രാമം സമൃദ്ധമാണ് പച്ചപ്പുകളെ കൊണ്ട്.പ്രത്യേകിച്ചും മഴക്കാലത്ത്‌.ഏക്കര്‍കണക്കിന് നീണ്ടുകിടക്കുന്ന വയലും,വിശാലമായ പുഴയും, വയലുകളുടെ സൗന്ദര്യം ആസ്വദിക്കാന്‍ വരുന്ന ദേശാടന പക്ഷികളും ഇപ്പോഴും സജീവമാണ്.
ഇപ്പോഴും ഇങ്ങു ഷാര്‍ജയിലെ ഊഷര ഭൂമിയില്‍നിന്നും മഴ പെയ്യുമ്പോള്‍ മനസ്സ് നാട്ടിലേക്കു ഓടിപ്പോകാറുണ്ട്. എവിടെയോ എന്തൊക്കെയോ നഷ്ടപ്പെട്ടതുപോലെ...........
(എന്‍റെ വീട് തന്നെയാണ് ഫോട്ടോയില്‍)
No comments:
Post a Comment